ТӘЖІРИБЕ АЛМАСУ – ОРТАҚ ДАМУҒА БАСТАР ЖОЛ!

 Қарағанды қаласы білім бөлімінің ұйымдастыруымен «МЕКТЕПТЕН МЕКТЕПКЕ: МҮМКІНДІКТЕР ЭКСПЕДИЦИЯСЫ» жобасы аясында №5 қосымша білім беру мектеп-орталығында мектепаралық кәсіби ынтымақтастық пен тәжірибе алмасуға бағытталған мазмұнды кездесу өтті.

 Мектебімізге келген №56 мектептің педагогикалық ұжымы білім ордамыздың даму бағыттарымен, жаңартылған білім беру кеңістігімен және қалыптасқан тәжірибелерімен танысты.

 Экспедиция барысында мектебіміздің негізгі жұмыс бағыттары таныстырылды:

 Басқару – тиімді менеджмент, стратегиялық жоспарлау және кадрлық әлеует;

 Оқыту – білім сапасын арттыру және заманауи педагогикалық әдістер;

 Тәрбие – ұлттық құндылықтарға негізделген тәрбие жүйесі;

 Цифрландыру – заманауи IT-технологиялар мен жаңартылған білім беру инфрақұрылымы;

 Қауіпсіздік – оқушылар мен педагогтерге арналған қауіпсіз әрі қолайлы орта;

 Кәсіби даму – педагогтердің үздіксіз кәсіби шеберлігін шыңдау.

 Биыл толық күрделі жөндеуден өткен мектебіміздің басты ерекшеліктері – қосымша білім беру жүйесі мен ерекше білім беруді қажет ететін оқушыларды қолдау бағытындағы тәжірибелер іс жүзінде көрсетілді.

 Ашық кәсіби диалог пен өзара тәжірибе алмасуға негізделген кездесу жаңа идеялар мен нәтижелі ынтымақтастыққа жол ашты.

 Бірге үйренеміз, бірге дамимыз, жаңа мүмкіндіктерге бірге жол ашамыз!

#SchoolExpeditionKrg
#goroo_krg