04.09.2026ж. «№5 ҚББМО» КММ Ғазиза Ғабдоллақызының атаулы «Тілтаным» зертханасы ашылды.
Бұл зертхана Қарағанды облысының Құрметті педагогі, Сын тұрғысынан ойлауды дамыту технологиясының тренері, Қазақстан Оқу Ассоциация мүшесі «Тілтаным» бағдарламасының авторы Ғазиза Ғабдоллаеваның көп жылғы педагогикалық-әдістемелік тәжірибесі негізінде қалыптасты.
Зертхананы құруға қалалық білім бөлімі басшысы Есентай Мұқатайұлы бастамашы болды.
Зертхананың негізгі мақсаты — оқушының тілдік сауаттылығын қалыптастырумен қатар, қазақ тілін өмірде қолдана алатын, өз ойын еркін жеткізетін, ақпаратты талдап, шешім қабылдай алатын функционалды сауатты тұлға тәрбиелеуге жағдай жасау.
Зертхана жұмысының 1-бағыты — оқушылармен жұмыс және тілдік сауаттылық ортасын құру, 2-бағыты — мұғалімдермен жұмыс. Мұнда орыс мектептерінде қазақ тілінен сабақ беретін мұғалімдерге Сын тұрғысынан ойлауды дамыту технологиясы үйретіледі.
«Тілтаным» зертханасы — оқушыға тілдік сауаттылықты қалыптастыратын, мұғалімге кәсіби қолдау көрсететін, кітап оқу мен функционалдық сауаттылықты ұштастыратын әдістемелік орта.