Тілдер онкүндігі аясында мектебімізде ұлттық құндылықтарды дәріптеуге бағытталған «Жарапазан» мерекелік іс-шарасы жоғары деңгейде ұйымдастырылды.
Іс-шара барысында оқушылар қазақ халқының тұрмыс-салт жырларының бірі — жарапазанның шығу тарихы мен тәрбиелік мәніне тереңірек тоқталды. Олар қасиетті Рамазан айында айтылатын бұл жырдың адамдарды ізгілікке, мейірімділікке, жомарттыққа және бірлікке шақыратынын түсіндіріп, оның рухани маңызын ашып көрсетті.
Мұғалімдер мен оқушылар жарапазан айтып, ұлттық дәстүрді жаңғыртып қана қоймай, көрермендерге ерекше әсер сыйлады. Мұндай тағылымды шаралар жас ұрпақтың бойына ұлттық рух пен адамгершілік құндылықтарды сіңіруге үлкен үлес қосады.
Қасиетті Рамазан айы құтты болсын! Береке мен бірлік, имандылық пен ізгілік әр шаңырақтан табылсын!