Аудан прокуратурасы дропперлікке жол бермеу мәселесі бойынша түсіндіру жұмыстарын жүргізді
Қарағанды қаласының Әлихан Бөкейхан ауданының прокуратурасы аудандық полиция қызметкерлерімен бірлесіп, тұрғындар арасында бөгде тұлғаларға банк карталарын және олардың деректемелерін беруге жол бермеу, сондай-ақ аталған әрекеттер үшін заңда көзделген жауапкершілікті түсіндіру мақсатында ақпараттық-түсіндіру жұмыстарын жүргізді.
Профилактикалық іс-шаралар барысында азаматтарға банк карталарын, PIN-кодтарды, логиндер мен өзге де төлем деректемелерін үшінші тұлғаларға беру алаяқтық және ақпараттық технологиялар саласындағы басқа да қылмыстардың жасалуына ықпал ететіні, сондай-ақ өз карталарын берген тұлғалар қылмысқа қатысушы (дроппер) ретінде заңда белгіленген жауапкершілікке тартылуы мүмкін екені түсіндірілді.
Дропперліктің салдарына, оның ішінде қылмыстық және азаматтық-құқықтық жауапкершілікке, сондай-ақ азаматтардың қаржылық қаражатын жоғалту және заңсыз әрекеттерге тартылу тәуекелдеріне ерекше назар аударылды.
Аудан прокуратурасы азаматтарды банк деректемелеріне ұқыпты қарауға және оларды бөгде тұлғаларға бермеуге шақырады. Күдікті жағдайлар анықталған жағдайда құқық қорғау органдарына жедел түрде хабарласу қажеттігі ескертіледі.
Аталған бағыттағы профилактикалық жұмыстар жалғасатын болады.