22–23 желтоқсан күндері бастауыш сынып оқушыларына арналған жаңа жылдық ертеңгіліктер өтті.
Ертеңгілік «Жаңа жыл, жарқыра!» тақырыбында ұйымдастырылды.
Бұл мерекелік шарада кішкентай бүлдіршіндеріміз жаңа жылды ерекше қуанышпен қарсы алды. Оқушылар Аяз ата мен Ақшақарды қарсы алып, ән айтып, би билеп, тақпақтарын нақышына келтіре орындады. Түрлі ертегі кейіпкерлері сахналық қойылымдар арқылы балаларға көтеріңкі көңіл күй мен ұмытылмас әсер сыйлады.
Мерекелік кештің басты мақсаты – балалардың шығармашылық қабілетін дамыту, жаңа жылдық көңіл күй қалыптастыру және әр баланың жүзінен қуаныш көру болды. Шара барысында ойындар ойнатылып, көңілді сайыстар ұйымдастырылып, соңында оқушыларға жаңа жылдық сыйлықтар табысталды.
Осындай жарқын сәттер балалардың жүрегінде ұзақ сақталып, Жаңа жылға деген сенім мен қуаныш сыйлады. Барша ұйымдастырушыларға, сынып жетекшілеріне және ата-аналарға алғысымызды білдіреміз!