Бүгін, 12 желтоқсан күні, мектебімізде ҚР Тәуелсіздігі күніне орай ұйымдастырылған мерекелік іс-шара өтті.
Бұл шараның басты мақсаты — жас ұрпаққа тәуелсіздіктің қадір-қасиетін түсіндіру, патриоттық сезімді арттыру және ел тарихына деген құрметті қалыптастыру болды.
Іс-шара барысында оқушыларымыз ән айтып, би билеп, көркем сөз оқып, ұлттық құндылықтарымызды дәріптейтін тағылымды қойылымдар ұсынды. Әрбір өнер көрсетілімінен балалардың жүректеріндегі елге деген сүйіспеншілік пен мақтаныш сезімі айқын көрінді.
Мектеп ұжымы мен ата-аналар қауымы ұйымдастыруға атсалысып, оқушыларға қолдау білдірді. Мереке жоғары деңгейде өтіп, қатысушыларға керемет әсер сыйлады.
Тәуелсіздігіміз мәңгі болсын!