2025 жылдың 26 қараша айында «Балалар кітапханасы» жобасы, «Бір ел - бір кітап - 2025» акциясы аясында мектеп кітапханашылары №29 филиалдың кітапханашысымен бірлесіп 5«Г» сыныбының (с.ж.: Капанова Б.Т.) оқушыларына еліміздің әнұранының авторы ақын Жұмекен Нәжімеденовтың 90 жылдығына арналған «Қазақ поэзиясының алтын сандығы» атты танымдық сағат өткізді. Ж.Нәжімеденов «Менің Қазақстаным», «Ақ шағыл», «Кішкентай», «Даңқ пен дақпырт» тағы да басқа танымал шығармалардың авторы. Жазушының біршама шығармалары өзге тілдерге аударылған. Ол Вознесенскийдің, Евтушенконың, Хикметтің тағы да басқа авторлардың шығармаларын қазақ тіліне аударды.Оқушылар назарына ақының, жазушының өмірбаяны туралы слайд көрсетілімі ұсынылып, оқушылар викториналық сұрақтарға жауап берді. Жазушылардың әр жылдарда жарық көрген кітаптарынан «Бір дәуірдің қос үні» тақырыбында кітап көрмесі ұсынылды.