2025 жылдың 21 қараша айында «Балалар кітапханасы», «Бір ел – бір кітап» жобасы аясында еліміздің әнұранының авторы, жазушы Жұмекен Нәжімеденов және ақын, жазушы, әдебиет сыншысы Тәкен Әлімқұловтың шығармашылығына арналған, мектеп кітапханасында 6«А» сынып оқушыларына (сынып жетекшісі: А.Ж.Бухарбаева) әдеби сағат өткізілді. Ж.Нәжімеденов «Менің Қазақстаным», «Ақ шағыл», «Кішкентай», «Даңқ пен дақпырт» тағы да басқа танымал шығармалардың авторы. Жазушының біршама шығармалары өзге тілдерге аударылған. Ол Вознесенскийдің, Евтушенконың, Хикметтің тағы да басқа авторлардың шығармаларын қазақ тіліне аударды. Т. Әлімқұлов — қазақ әдебиетінің классигі, өз заманында көпке танымал бола отырып, қазақ халқының өмірі мен болмысын шынайы әрі терең бейнелеген ұлы жазушы. Жазушы шығармашылығын жоғары белеске көтеріп, даралайтын тақырыптардың бірі – дәстүрлі күй өнері мен қазақтың ұлы күйшілері. Қорқыт, Сүгір, Ықылас жайлы қалам тербеп, әр кездері жазылған «Сейтек сарыны», «Сарыжайлау», «Кертолғау», «Сары сыбызғы», «Қаралы қобыз» сынды еңбектері қазақ әдебиетінің баға жетпес мұрасы. Оқушылар назарына жазушылардың өмірбаяны туралы слайд көрсетілімі ұсынылып, оқушылар Саламатова Айару, Бактыгельдина Инкар, Асқар Назар, Исламбеков Рауан, Абдірасыл Дінмұхаммед, Тоқтасын Ілияс «Кітап сөйлейді» қойылымын қойды. Жазушылардың әр жылдарда жарық көрген кітаптарынан «Бір дәуірдің қос үні» тақырыбында кітап көрмесі ұсынылды.

#Бір_ел_бір_кітап_акциясы #бір_ел_бір_кітап_2025 #жазушы_Тәкен_Әлімқұлов #ақын_Жұмекен_Нәжімеденов #Жұмекен_Нәжімеденовтың_туғанына90_жыл #Балаларкітапханасы #Адал_азамат #кітап_оқитын_ұлт #читающая_нация #goroo_krg #krg_sch5_official @goroo_krg @umckrg #Кеттік_кітап_оқимыз! #оқуғақұштармектеп #читающаяшкола

https://www.facebook.com/reel/1490334938865346