«Әскердегі сарбазға хат» челленджі – Қазақстан Республикасының жастары арасында патриоттық тәрбиені нығайтуға, елге қызмет етудің маңызын ұғындыруға, сарбаздарға рухани қолдау көрсетуге бағытталған жалпыхалықтық акция.
Бүгінгі таңда еліміздің тыныштығын күзетіп, Отан алдындағы борышын өтеп жүрген сарбаздарымыз – нағыз ерлік пен табандылықтың үлгісі. Олар отбасынан жырақта жүріп, туған жердің әрбір азаматы үшін жанын салып қызмет етуде. Осындай кезеңде сарбаздарға қарапайым бір хат – олардың рухын көтеріп, елге деген сағынышын аз да болса басатын үлкен қолдау болмақ.