Бүгін XX ғасырдың ең жарқын тұлғасы, белгілі жазушы, Ұлы Отан соғысының даңқты жауынгері, халық қаһарманы, қазақтың батыр ұлы Бауыржан Момышұлының туғанына 114 жыл.

Ziatkerlik modernizasia жобасы аясында батырдың туған күніне орай “№5 қосымша білім беру мектеп-орталығы" Б.Момышұлының ұлттық құндылыққа толы шығармасы "Ұшқан ұя" повесін TalkLike жобасында талқылады.

Қарағанды қалалық білім бөлімінің басшылығымен жүзеге асырылып отырған TalkLike жобасында ұлттық құндылық пен біртұтас тәрбие бағдарламасын ұштастыра отырып, қазіргі таңда өзекті болып отырған отбасы құндылығы, салт-дәстүр, ұлттық құндылық, ата-әже, әке-шеше тәрбиесі, олардың қоғамдағы өзектілігін Б.Момышұлының “Ұшқан ұя” туындысымен сабақтастыра талдау жүргізілді.

«Ұшқан ұя» адамгершілікке үндейтін, тәлім-тәрбие беретін көркем туынды. Шығармада адамның асыл қасиеттерін қадірлейтін жолдар жиі кездеседі. Білім мен ақыл, тәрбие адамның ең қымбат, ең құнды қасиеттері саналады. Бауыржан Момышұлы бұл өмірдегі барлық нәрседен де тәрбиені жоғары қоюуы, адам бойындағы жақсы – жаман қасиеттердің бәрін тәрбиемен тығыз байланыстырып қарауында. «Адам бол, ақылды бол» деу бір басқа да, оның жөн-жобасын көрсету, бағыт беру бір басқа. Автор адамшылдық негізін қанатты, даналық сөздерімен сіңіреді. Жақсы - жаманды айырып көрсетеді. Кітаптың алғашқы беттерінен-ақ адамдық қасиет, адамгершілік мұраттар басты қадір-қасиет ретінде сипатталады.

Тағылымы терең құнды кітапты бірге оқиық!
#Біртутас_тарбие
#oqu_agartu_ministrligi
#gani.beisembayev
#medetbekovameruert