2024 жылдың 15 ақпанында “№5 қосымша білім беру мектеп-орталығының” КММ базасында “ZIATKERLIK MODERNIZASIA-23” жобасының жоспарына сәйкес “Мен оқыдым, сен де оқы!" READx жобасы өтті. Жобаға қала мектептерінің 13 спикер өздерінің оқыған шығармаларын ортаға сала отырып, әдеби шығармалардың құндылығы мен мазмұнына тоқталды. Бұл жобаға қала мектептерінің бастауыш сынып мұғалімдері қатысты. “№5 қосымша білім беру мектеп-орталығының” КММ бастауыш сынып мұғалімі Ибраева Гулзия Майдабековна ұсынған С.Керімбайдың “Бейсен және болмыс” атты шығармасы үздік деп танылып, “Оқимын” деген дауысты көп жинады және бір айдан соң осы кітапты талқылауға жиналуға шешім қабылданды. Барлық қатысушыларға қалалық білім бөлімінің “Алғыс хаты” табысталды.