1 СӘУІР БІРІНШІ СЫНЫПҚА ӨТІНІШТЕРДІ ҚАБЫЛДАУ БАСТАЛАДЫ.
Бірінші сыныпқа құжаттарды баланың ата-аналарынан және заңды өкілдерінен қабылдау 2023 жылдың 1 сәуірінен 1 тамызына дейін және екі жолмен e.bilimal.kz немесе «Egov.kz электрондық үкімет» порталы арқылы жүзеге асырылады.
Мектептер бірінші сыныпқа балаларды алты жастан және 2023 жылдың соңына дейін алты жасқа толатын балаларды қабылдайды. Мектептерге қызмет көрсету аумағы бекітілген. Мектеп қабылдау кезінде дайындық деңгейіне қарамастан, қызмет көрсету аумағында тұратын барлық балалардың қолжетімділігін қамтамасыз етеді.
Гимназиялар мен лицейлердің бірінші сыныбына қабылдау кезінде балалармен 15 маусымға дейін әңгімелесу жүргізіледі.
Қарағанды қаласының жалпы білім беретін мектептеріне, лицейлері мен гимназияларына қабылдау мәселелері бойынша 8(7212) 774031 телефоны бойынша хабарласуға болады.