2022 жылдың 24 желтоқсанында «Балалар жылына» арналған іс-шара аясында №5 ҚББМО Коворкинг орталығының салтанатты ашылуы өтті. Коворкинг орталығы үш бағытта жұмыс істейтін болады: біріншісі ұлттық құндылықтарды дамытуға бағытталған, екіншісі ерекше білім алуды қажет ететін балаларға арналған, үшіншісі «Оқуға құштар мектеп» жобасы аясында. Кітапхана менгерушісі Г.О.Каппасова қонақтарға оқушылар ұялы телефон арқылы арнайы QR код сканерлеп, жазушылардың көркем шығармаларын оқи алатын таныстырды. Оқушылар үзіліс кезінде кітап сөрелерінен көркем және балалар әдебиетін емін-еркін алып, оқи алады. Сонымен қатар, бұрыш интернетке қосылған компьютерлермен жабдықталған және пайдаланушылар кез келген қызықты ақпаратты ала алады. Сондай-ақ іс-шаралар, презентациялар, өлкеміздегі табысты адамдармен кездесулер өткізуге болады. Бұрыштың басты мақсаты – балалардың оқу мәдениетін ояту, ақпаратпен жұмыс істеуге үйрету. Мектептегі коворкинг – шабыт, оқу, үйрену, қарым-қатынас және демалу бұрышы. Буккроссинг жобасы үшін мектеп дәлізіне сөрелер орнатылды. Мектептегі буккроссинг көптеген адамдарға жаңа авторлар, жаңа шығармалар туралы білуге және олардың ой-өрісін кеңейтуге көмектеседі. Бүгінгі таңда кітапхана қызметінің негізгі бағыттарының бірі – пайдаланушылардың көркем әдебиет қорын ашу, кітап оқуға деген қызығушылықтарын ояту; жазушылардың шығармаларына қолжетімділікті кеңейту. Осы мақсатта «Электрондық кітапхана» жүйесі іске қосылды, пайдаланушы мобильді QR-код сканері арқылы өзіне қызықты әдебиетті жүктей алады.