Жас ұрпаққа патриоттық тәрбие беру ісінде  2021 жылдың 12 ақпанында «№5 ҚББМО» кітапханашылар ұйымдастырған батылдық сабақ  жүректеріне мәңгілік жан жарасын салған Ауған соғысының ардагерлеріне, 15 ақпан  Кеңес әскерлерінің ауған жерінен шығарылған күніне 32 жыл толуына  арналды. «Ауғанстан менің жүрегімде» деп аталған батылдық сабақ  кездесу кешіне арнайы шақырылған ардагерлер Токтабаев С.Ж., Альменов Б.К., Жуматаев А.М., Тынымбаев Қ.И.,Жакупов Ғ.Т.қатысты. Ардагерлер алдарына қойған әскери міндетті толық орындап шыққандарын айтты.  Батылдық сабақ Ауған жерінде ерлікпен қаза тапқан жас боздақтарды бір минөт үнсіздікпен еске алумен басталды. Адам жанына жара салатын, дене түршіктіретін бейнесюжеттер көрсетілді. Жерлестеріміз батылдық сабақ кездесу кешіне қатысқан мұғалімдер қауымы және 9 «б, в» сынып оқушыларына бастан кешкен оқиғаларын айтып берді. Жиналған жас ұрпақ ардагерлердің әңгімелерін тыңдап қана қоймай, өздерінің әр түрлі көптеген сұрақтарын да қойып отырды. Мектеп басшысы Нұрмағамбетова Т.А. келген қонақтарға, қатысушы жас ұрпаққа алғысын білдірді.