«Отанды сүю – өркениеттің белгісі». Қазақстан – дүниежүзіндегі ең үлкен мемлекеттер қатарында, үлкендігі бойынша тоғызыншы орында. Қазақстан жеріндегі әрбір азамат өз Отанын, ұлттық құндылықтарын сүюі қажет. Ата – бабамыздың азаттық жолындағы ерен ерлігінің арқасында осынау арман еткен заманға тер төге, көп күш жұмсай жеткен елімізбен мақтанамыз! Талай жылғы ұлы дүбір, дүрбелеңнен кейін жарқын болашақтың таңы атып, еркіндік пен теңдік есігін айқара ашты. Еліміздің күні оңынан туылып, жарық жұлдыздар шоғыры ұлттық намыс пен арымызды тудай желбіретті. Қазіргі кезде Қазақстан елі – тәуелсіз, кең байтақ ел. Қазақстанның туы, елтаңбасы, ұлттық әнұраны және мемлекеттік тілі бар. Қазақстан – көп ұлтты мемлекет. Бұл қазақ жерінің жомарттылығын, осындай ақкөңілдігін байқауға болады. Татулық – болашақта гүлденудің маңызды талабы болып табылады. Қазақстанның байлығы өте көп және қазынаға бай ел. Біздің еліміздің табиғаты өте сұлу. Биік-биік асқар тау, мөп-мөлдір көлдер, неше түрлі өсімдіктер мен дәрілік қасиеті бар шөптер өседі. Қазақстан жері өте кеңбайтақ болып келеді. «Сұлу жерлер көп те шығар, Сенен көркі озатын, Көңілімнің құшы қонар Жер жоқ сенен асатын», - дей келе Қазақстаннан асатын ел жоқ. Бізді қазақ қылып тұрған, Қазақты Қазақ қылып тұрған ең басты құндылық – ана тіліміз екенін де естен шығармаған жөн.«Борыштымыз бәрімізде – Туған елге өскен жерге. Жасымыз да, кәріміз де, Бас иейік туған елге», - демекші, әрқашанда өз туған елімізді сүйіп, мадақтайық!