Қалалық білім бөлімінің ұйымдастыруымен оңтүстік-шығыс ауданында оқушылар сарайының құрылыс жобасының ашылу салтанаты өтті. Осы іс-шараға «Ұлы даланың жеті қыры» мақаласы желісінде қаламыздың мектептерінің атсалысуымен көрме ұйымдастырылды. Аталмыш көрмеге мектебіміздің 5-ші сынып оқушылары түрік жауынгерінің сазбалшықтан сомдалған қолөнерлерінің макетін көрсетіп, тұңғыш Елбасымыздың мақаласындағы «Қазақ даласы түркі әлемінің бесігі» екендігі жайлы баяндама жасалды. Келген қонақтар көрмені тамашалап, тарих қойнауына саяхат жасап қайтты. Жетекші: Масанова Фарида Темирбаевна.