Мектеп кітапханасында 31 мамыр – Саяси қуғын – сүргін құрбандарын еске алу күніне орай «Жазықсыз жапа шеккендерді еске алу күні» атты кітап көрмесі әзірленді. Кітапханашылардың мақсаты 1997 жылы ҚР Бірінші Президентіміз қол қойған «Ашаршылық және репрессия құрбандарын еске алу күні» жарлығы, Олардың өмір жолдарымен оқырманды тереңірек таныстыру, өткен тарихымыздан тағылым ала отырып, бүгінгі ұрпаққа әр кітап арқылы өнегелі тәрбие беру, оларды Отанын сүюге, елінің, жерінің адал патриоттары болуға баулу, олардың санасына тарихи шындықты жеткізу. Өткенді ескермей болашақты құру мүмкін емес. Сондықтан 1927-1953 жж. ақтаңдақтар ақиқатын түсіндіруге ұмтылу.  Біздің ендігі жердегі борышымыз – осы қанқұйлы жылдардың оқиғасын, оның жазықсыз құрбаны болған азаматтардың есімдерін ұмытпау, оларды мәңгі есте сақтау.