19 наурыз күні мектеп кітапханашылары, 5 «А» сыны, 11 «А» сынып оқырмандары «Қарағанды қаласының ОКЖ» КММ №29 филиалымен бірігіп, кітапханада көктемнің  ең бір көркем мерекесі – Наурыз мейрамын тойланды.

Өте әсерлі де шаттық мерекесінде кітапхананың жас оқырмандары «Наурыз – ұлттың басын біріктіретін мереке» атты кітап көрмесімен танысты.

Көңілді сайыстардан мықтылар анықталды. Викториналық сұрақтарға Төлегенова Б., Жақан А., Дәуренбекқызы А. белсенді жауап берді, бауырсақ жеу сайысынан  Ойратов Б., Балташов И.  білек күшін сынаудан Тайжанов С., Мустафин Т., Нұрханова  Ә., Альмаганбетова Ж. жеңімпаз атанды.

Наурыз дәстүрі бойынша дастархан жайылып, жас оқырмандарға №29 филиал кітапханашысы Жанар апай наурыз көже үлестірді.Тәрбиелік мәні бар бірлікті ту еткен  Наурызды осылайша барлық сән-салтанатымен атап өттік.