2018 жылдың 10 желтоқсанында 4 «А» сыныбының үгіт-насихат тобы «Тәуелсіз елдің ұрпағымыз» тақырыбында саптық жиында өнер көрсетті. Еліміздің өткеніне, бүгініне, ертеңіне көз жіберіп, өз еліміздің тілін, тарихын, салт-дәстүрін, әдебиетін қадір тұтып, құрметтеуді насихаттады. «Мәңгілік ел» - жалпы қазақстандық ортақ шаңырағымыздың ұлттық идеясы, бабаларымыздың арманы болғаны туралы біліп, оны әлемдік деңгейге жеткізу жас ұрпақтың қолында екенін паш етті.