2018 жылдың 12-16 қараша аралығында мектебімізде «Тіл-халық жанын танудың кілті» атты қазақ тілі апталығы өтті.

         Апталық 12.11.2018 ж. «Тіл – халық жанын танудың кілті» атты саптық жиынмен ашылды.

         Апталық барысында «Зар заман толғауы – дәуір шындығы», «Шығармадағы көркемдегіш құралдар» Мұрат Мөңкеұлының «Үш Қиян» шығармасы, Мұхтар Әуезов «Абай жолы» роман-эпопеясы, «Ұлы Жібек жолы», «Мемлекеттік Елтаңба» тақырыптарына ашық сабақтар, «Сен не істейсің» ойын сабағы,сонымен қатар «Өлең және оның құрылысы» атты факультативтік ашық сабағы,  таңғажайып алаңы «Ежелгі көшпелілер мәдениеті» және Мағжан Жұмабаевтың 125 жылдығына арналған «Сағындырған сұлу жыр» атты поэзиялық сыныптан тыс сағаттары өткізілді.

          Абай Құнанбайұлына, Ахмет Байтұрсынұлына, Мағжан Жұмабайұлына арналған, «Қазақ тілі әлемінде», «Қазақ тілі туралы», «Халық ауыз әдебиетіне саяхат» тақырыбында қабырға газеттері шығарылды.

          Мектеп кітапханасында «Ертегілер әлемінде» кітап көрмесі ұйымдастырылып, оқушылар ХХ ғасырдың ақын-жазушыларының шығармаларымен танысып, Абай Құнанбайұлы, Ахмет Байтұрсынұлы, Мағжан Жұмабайұлыны туралы мәліметтерді оқыды.

        Қазақ тілі «Тіл – халық жанын танудың кілті» атты апталықтың соңында мектепішілік ісшара ұйымдастырылды. Оқушылар Абай Құнанбайұлының, Ахмет Байтұрсынұлының, Мағжан Жұмабайұлының өлеңдерін жатқа оқып, мақал-мәтелдер сайысында өз өнерлерін көрсетіп, ән салып, күй тартып, би  билеп көңілді өткізді.