2018 жылдың 24 қазанында балалар жазушысы Шәкен Күмісбайұлының 75 жасқа толуына орай Алматы қаласындағы С. Бегалин атындағы орталық қалалық балалар кітапханасы мен Абай атындағы Қарағанды облыстық кітапханашыларының ұйымдастырумен «Балалар қаламгерінің қамқоршысы» атты телекөпір өтті. Телекөпір барысында оқушылар жазушыға өз көкейлерінде жүрген сұрақтарын қойып, жауап ала алды. Оқушылар жазушының туындыларынан үзінді оқыды. Белсене қатысқаны үшін №5 ЖББОМ-тің қазақ тілі мен әдебиеті пәні мұғалімінің жетекшілігімен барған 8 «А» сынып оқушысы Әубәкір Мейірбек кітапхана директорының атынан Алғыс хатпен марапатталды.