«Сарыарқа дарыны» аймақтық ғылыми-практикалық орталығы «Рухани жаңғыру» бағдарламасын жүзеге асыру мақсатында, 2018 жылдың 11 мамырында Жас өлкетанушыларға арналған Республикалық форумның облыстық кезеңін өткізді. Форумға мектебіміздің 14-16 жас аралығындағы оқушылардан құралған «Жас өлкетанушылар» ұйымы делегациясы қатысып, жүлделі I-орынды иеленді. Жас қала Астанамыздың мерейтойына орай «Мерейтойыңмен – Астана» номинациясы бойынша өте жақсы дайындалғаны үшін сертификатпен марапатталды. Жас өлкетанушылар ұйымының ғылыми жетекшісі Масанова Фарида Темирбаевна оқушыларды өте жақсы дайындағаны үшін және мемлекетіміздің «Рухани жаңғыру» бағдарламасы аясында жасаған ерен еңбегі үшін Қарағанды облысы Білім басқармасының алғыс хатымен марапатталды. Құттықтаймыз!