№64 негізгі орта мектебінің 8 «Б» сынып оқушысы Дамирова Афсанэ қазақ тілі мен әдебиеті пәнінің мұғалімі Мұрат Жұпар Мұратқызының жетекшілігімен жалпы білім беретін мектептерде оқитын ұлты қазақ емес оқушылар арасында өткізілген дәстүрлі VІІІ «Жарқын болашақ» байқауының іріктеу кезеңінде «Жас ғалымдар» номинациясы бойынша І орын, қалалық кезеңінде де І орынды иеленді. Қалалық кезеңінен әр номинация бойынша І орын алған оқушылар облыстық кезеңге жолдама алды. Аталған байқаудың облыстың кезеңінде Дамирова Афсанэ жүлделі ІІ орынды қанжығасына байлады. ІІ дәрежелі дипломмен қоса Дамирова Афсанэ ұйымдастырушылар тарапынан арнайы сыйлықпен марапатталды.