1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланғаны баршамызға мәлім. Яғни, өз тағдырын өзі айқындауға алғашқы қадам жасаған Қазақстан үшін 1 желтоқсан – мемлекеттілік тарихының мерейлі күні саналуға орны лайықты. 

     Жоғары Парламенттің бекітуімен 2012 жылы 1 желтоқсан Қазақстанда алғаш рет – Тұңғыш Президент күні мемлекеттік мереке ретінде аталып өтіп, бұл баршамыз үшін қуанышты оқиға болды. Елбасына деген ел құрметін айрықша айғақтауға арналған бұл мерекенің дәстүрлік іс - шараға айналуға орны бар екенін шынайы сезіммен айтып өтуге тура келеді.   

     Бүгінгі  біздің  мектепте өткен шараларымыз  Қазақстан Республикасының Тұнғыш Президентіне арналды.  «Біздің Президент және тәуелсіз Қазақстан» тақырыбында екі ауысымда  тақырыптық жиын өткізілді.

     1-11 сыныптар аралығында  «Біздің Елбасы» тақырыбында  тәрбие сағаттары өткізіліп, сабақ барысында  Елбасы жөнінде фильмдер ,бейне баяндар, презентациялар көрсетілді.

      Мектепте «Біздің мемлекетіміздің  - Тұңғыш Президенті» тақырыбында  кітапханада кітаптар көрмесі  және тақырыптық стенд жабдықталды. Осы апта бойы түрлі іс –шаралар жалғасын табады.