ҚҰРМЕТТІ АТА-АНАЛАР!

2025–2026 оқу жылының аяқталуына байланысты, соңғы қоңырау мен қорытынды аттестация кезеңінде мектеп әкімшілігі сіздерге төмендегі маңызды талаптарды жеткізеді:

• Педагогикалық этиканы сақтау және сыбайлас жемқорлықтың алдын алу мақсатында мұғалімдерге ақша жинау және қандай да бір сыйлықтар беру қатаң түрде тыйым салынады.

• Оқушылар мен ата-аналардан мектептің қажеттіліктеріне, соның ішінде жөндеу және шаруашылық шығындарына ақша жинау қатаң түрде тыйым салынады.

• Оқушылардың қауіпсіздігін қамтамасыз ету мақсатында ойын-сауық орталықтарына, мейрамханаларға, кафелерге және басқа да қоғамдық орындарға баруға тыйым салынады.

• Ата-аналардың бастамасымен мектеп аумағында да, мектептен тыс жерлерде де мерекелік дастархан ұйымдастыруға және оған ақша жинауға жол берілмейді.

• Қорытынды аттестация кезеңінде оқушылар мектеп формасын қатаң сақтап, тәртіптілік пен жоғары жауапкершілік танытуға міндетті.

ЕСКЕРТУ:
Бұл талаптар 4, 9–11 сынып оқушыларына және олардың ата-аналарына бірдей дәрежеде қатысты.

Аталған талаптар білім беру процесінің ашықтығын қамтамасыз етуге, әділдікті сақтауға, оқушылардың қауіпсіздігін күшейтуге және мектептің тәрбиелік ортасын нығайтуға бағытталған.

Құрметті ата-аналар!
Аталған талаптарға түсіністікпен қарап, оларды қатаң сақтауларыңызды және балаларыңыздың қауіпсіздігіне ерекше көңіл бөлулеріңізді сұраймыз.

Біздің мақсатымыз – әрбір балаға сапалы білім беріп, жауапты әрі мәдениетті тұлға ретінде тәрбиелеу.