"Шеберлер әлеміне саяхат" эстетикалық сауаттылық апталығына орай 6"А" сынып оқушыларымен "Сценарий дайындау. Кейіпкерлер мен декорациялар құру" тақырыбында ашық сабақ өтті.
Сабақ мақсаты: Оқушыларды қуыршақ театр әлеміне тарту, ой - өрісін кеңейту.
6"А" сынып оқушылары сабақ басталғаннан бастап, сабақ соңына дейін өте жақсы белсенділік танытып, сабаққа жақсы қатысып отырды.
Сабағымыз шаттық шеңбері арқылы басталып, оқушылар бір-біріне және сабағымызға қатысып отырған ұстаздарға жақсы тілектерін айтып көтеріңкі көңіл-күй сыйлады.
Сабақ барысында көлеңкелі театр арқылы " Қасқыр мен тышқан", "Түлкі мен тырна", "Шалқан" ертегілерін сынып оқушылары, өте жоғары қызығушылықпен өздері ойнап шықты. Әр ертегінің соңында, барлық оқушылар көрген ертегілерін талдап, талқылап оқушымен оқушы, ұстазбен оқушының арасында кері байланыс болды. Талдау барысында оқушылардың жетістіктерімен қатар кемшіліктері де ортаға салынып талқыланды. Сонымен қатар, осы көрген әр ертегіден дұрыс тәрбие алулары керек екені де айтылып кетті.
"Досы көпті жау алмас", "Бірлік түбі береке", "Не ексең, соны орасың", "Жұмыла көтерген жүк жеңіл", "Біріміз барлығымыз үшін, барлығымыз біріміз үшін" деген мақал-мәтелдермен әр ертегі түйінделіп отырды.
Жауапты: көркем еңбек пәні мұғалімі Ошанова Саягул Кумаровна
Ашық сабақ барысынан көріністер.
Авторство:
