«Кітап оқитын ұлт» жобасы аясында 9 «А» сынып оқушылары қазақтың көрнекті ақыны әрі жазушысы Сұлтанмахмұт Торайғыровтың «Қамар сұлу» шығармасын талқылады. Іс-шараның негізгі мақсаты – оқушылардың кітап оқуға деген қызығушылығын арттыру және әдеби шығарманы терең түсінуге баулу. Талқылау барысында оқушылар шығарманың мазмұны мен негізгі идеяларын талдап, кейіпкерлердің іс-әрекетіне өз көзқарастарын білдірді. Әсіресе, әйел теңдігі, әлеуметтік әділетсіздік, ескі салт-дәстүрдің адам тағдырына әсері сияқты өзекті мәселелер кеңінен сөз болды. #кітапоқитынұлт