2024 жылғы 21 ақпанында Қарағанды қаласы білім бөлімімен “№2 лицейі” КММ бірлесе отырып 7-сынып оқушылары арасында экономикадан V қалалық олимпиадасы өткізді. Аталған шараның мақсаты - дарынды және талантты оқушыларды анықтау үшін оңтайлы жағдай жасау, олардың экономикалық білім беру, қаржылық сауаттылық және кәсіпкерлік қызмет саласында зияткерлік дамуы мен кәсіби бағдарын қалыптастыру.
Олимпиада Google Forms платформасында Zoom бейнеконференция форматында онлайн түрде жүзеге асырылды. Олимпиадаға қаланың 42 білім беру ұйымының 7-сыныптарынан 75-тен астам оқушы қатысты. Жүлделі орын иегерлері мен жеңімпаздары (№2 лицей, №32 ОМ, 46, С.Саттаров атындағы МЛ, М.Мамыраев атындағы МИ, Шәкәрім атындағы гимназия, №95) 2024 жылғы 27 ақпанында “ЭкономиК” олимпиадасының облыстық кезеңінде өз білімдерімен сынға түспек.