Мемлекеттік тіл- біздің болашағымыз, тірегіміз.

Қазақстан Республикасының мемлекеттік тілі - қазақ тілі. Тіл туралы алғашқы заң 1989 жылы 22 қыркүйекте қабылданды. Біздің елімізде тұратын барлық ұлт өкілдері қазақ тілін оқып үйренуде.

Қазақ тілін мен балабақшадан үйреніп  келемін. Мен қазақ тілін мектепте оқимын әрі қосымша сабақтарға барамын. Қазақ тілін үйренуде ең оңайы - сөздер мен ережелерді жаттау, бірақ оларды сөйлесуде қолдану  қиын болды. Қазақ тілінің грамматикасы өте күрделі деп есептеймін. Ол менің ана тілім - орыс тілінен өте ерекшеленеді. Сондықтан менде біраз мәселелер туындады. Бірақ қазір мен грамматиканы ауызекі сөйлеуден гөрі жақсы білемін.

Мысалы, мен қоғамдық көлік, қоғамдық жерлерде қазақ тіліндегі диалогты естігенде,  шамамен 80% түсінемін. Себебі, әдеттегі әңгімеде біз мектепте оқымайтын басқа сөздер қолданылады. Мектептер ауызекі тілге емес, әдеби тілге жүгінеді. Менің қазақ тілін меңгеру деңгейім орташа деп есептеймін. Маған мемлекеттік тілде сөйлегеннен гөрі мәтінді аудару немесе ережелерді есте сақтау оңайырақ. Бұл менің қазақ тілін оқып үйренудегі тәжірибемнен.

Әрбір қазақстандықтың борышы-мемлекеттік тілді білу және оның дамуына көмектесу. Қазақ тілі Қазақстанның барлық азаматтарын біріктіреді, еліміздің негізі болып табылады. Біз мемлекеттік тілді жетілдіруге тиіспіз, өйткені бұл біздің болашағымыз, біздің тірегіміз.

Анненкова-Синкевич Алисия

9-сынып оқушысы