Қазақстан Республикасының президенті Қасым-Жомарт Тоқаев күллі түркі жұртының мақтанышы Ұлы бабамыз Әбу Насыр Әл-Фарабидің 1150 жылдық, Абай атамыздың 175 жылдық мерейтойларын мемлекеттік деңгейде өткізу туралы қаулы шығарды. 2020 жылдың 09 қаңтарында "Сарыарқа саңлағы" атты облыстық жастар жобасының кезеңі басталды. Осы жоба аясында "Лицей №2" КММ-де "Адамгершілік және рухани тазалық" тақырыбы бойынша алғашқы дебаттық турнир өткізілді. Жобаның мақсаты: Қарағанды облысының жастары арасында азаматтық көзқарас және қазақстандық патриотизм қалыптастыру, рухани-құндылықтарды дамытуға бағытталған пікірталас алаңдары, дебаттық турнирлерде жүйелі түрде өткізу арқылы Абай Құнанбаев, Әл-Фараби, тағы басқа ұлы ойшылдардың, қазақ халқының қоғам қайраткерлерінің мәдени мұраларын сақтау және арттыра түсу. Дебат барысында жоғары сынып оқушылары Абай Құнанбаев пен Әл-Фарабидің әдеби және рухани мұралары туралы өз ойларын ортаға салды. Қатысушылар өз көзқарасын тиімді қорғай білу, басқаларды тыңдау және оппонентпен сауатты пікірталас жүргізу қабілеттерін көрсетті.