Шағын орталықта  «Қош келдің, әз-Наурыз!» атты мерекелік ертеңгілік атап өтілді. Әр топ ауыл-ауылға бөлініп, топ балалары мен ата-аналар  ұлттық киімде, өнерлерін ортаға салды. Топтардың қарқынды дайындығы ертеңгілік барысында анық байқалды. Ертеңгілік мақсаты: Балаларға «Наурыз мейрамы» туралы түсінік беру арқылы, қазақ халқының салт-дәстүрлерін көрсету, ұлттық ойындарды  біліп, оларды құрметтей білуге тәрбиелеу. Балалардың ата-анамен бірге наурыз мейрамын тойлауы, сырт келбеттері, белсенділіктері, мерекелік көңіл-күйлері, ән айтып, би билеулері, ұлттық ойындарды қызыға ойнаулары барлығы өте жарасымды болды.