Бүгін 7 "Б" оқушылары үшін ерекше күн, мереке күн! Жазғы демалыстан мектепті, достарын сағынып келген оқушылар, сыныптастарымен, сынып жетекшісімен қауышып, ерекше бір мерекелік көңіл-күймен алғашқы қоңыраудың сыңғыр үнін естіді. Сонан соң, мерекелік жиыннан кейін, сыныптарына барып, "Мен өз елімнің патриотымын" деген тақырыпта сынып сағатына қатысты. Сынып сағаты барысында оқушылар "патриот" сөзінің мағынасын жан-жақты ашты. Өткенге көз жүгіртіп, ел үшін жанын пида еткен патриот жандардан үлгі алу керектігін де айтты. Ата-аналар да оқушыларды білім күнімен құттықтап, ізгі тілектерін айтты!