Мамандық таңдау - адам өміріндегі ең маңызды қадамдардың бірі болғандықтан мектебімізде оқушыларға кәсіби бағдар беру жұмысы жүйелі түрде жүріп жатыр. Атап айтсақ, 26 ақпанда мектеп оқушыларының Петропавл қаласында орналасқан Қазақстан Республикасы Ұлттық ұланының Әскери институтының өкілі подполковник А.В.Ганьшинмен кездесуі өтті. Кездесу барысында 11-сынып оқушылары ҚР Ұлттық ұланының Әскери институтының тарихы және осы оқу орнына оқуға түсу шарттары жайында толық мағлұмат алып, институт даярлайтын мамандықтармен танысты. Подполковник А.В.Ганьшин аталған институтта тиімді оқуға және сапалы жоғары білім алуға қажетті жағдайлардың жасалғаны туралы айтты.