Білім беруді ақпараттандыру және пәндерді ғылыми - технологиялық негізде оқыту, оқытудың ақпараттық технологияларын әзірлеу мен қолданудағы тәжірибе алмасу, ғылыми зерттеулерді ақпараттық қамтамасыз ету мақсатында, ақпанның 19 жұлдызында С.Саттаров атындағы №57 мектеп-лицейінде «Ғылым мен білім берудегі ақпараттық технологиялар» атты қалалық ғылыми–тәжірибелік конференция болып өтті. Конференцияға жоғарғы оқу орындарынан арнайы келген педагогика ғылымының докторлары, Қарағанды қаласы бойынша педагогикалық шеберлік орталығының аға менеджерлері, қалалық білім бөлімінің басшылары мен әдіскерлері және қаланың жоғары және бірінші санатты ұстаздары өз іс-тәжірибелерімен бөлісіп, әртүрлі пікірлерін ортаға салды. Конференция қорытындыланып, көпшілік өз әсерлерімен бөлісті.  Сонымен қатар, Қарағанды қаласы білім бөлімі басшысының орынбасары Кенешова Раиса Амертаевна ғылыми-практикалық конференцияны жоғары деңгейде өткізген С.Саттаров атындағы №57 мектеп-лицейі ұжымына алғысын білдірді.