2016 жылдың 18 ақпан күні Қарағанды қалалық білім бөлімімен бірлесе Сләмия Саттаров атындағы №57 мектеп-лицейі «Жаңаша оқытуды жүзеге асыру арқылы оқушыларды шығармашылық ізденіске баулу» тақырыбында қалалық семинар өткізді. Семинар аясында директордың бейіндік оқыту жұмыстары жөніндегі орынбасары, 1 (ілгері) деңгей мұғалімі С.К.Кульжамбекова «Талантты және дарынды балаларды оқыту» тақырыбында коучинг сессия өткізді.
Коучингке қала мектептері директорларының жас орынбасарлары мен ағылшын тілі пәні мұғалімдері белсене қатысты. Мұғалімдерге талантты және дарынды балаларды оқыту әдістерін іс-тәжірибесінде пайдалануға, сынып ішіндегі «дарынды бала» сипаттамасына сәйкес оны таба білу, ұғымды «қабілеттілік» ұғымынан ажырата білуге бағыт берілді. Коучингке қатысушылар кері байланыста өз қоржындарына көп пайдалы ақпарат алғанын айтып, алғыстарын білдірді.
Contacts
