«Мамандықтың жаманы жоқ, бірақ мұның кез-келгеніне икемділік қажет»,– деп Ж.Аймауытов айтқандай, мамандықты дұрыс таңдап, өмірдің «кетігін тауып қаланған кірпіші» болуына ықпал жасау, дұрыс бағдар беру мақсатында 8 «Ә» сыныбында аптаның әр бейсенбісінің 6-сабағында «Кәсіптік бағдар беру» сыныптан тыс сабақ жүргізіледі.

 Ақпанның 4-ші жұлдызында  «Мамандық таңдау қаншалықты маңызды?» атты тақырыпта сауалнама алынып, бейімділіктері зерттелді.

Мамандық сөзін қалай түсінетіндері, таңдауда қателеспеудің қаншалықты маңызы бар екендігі, басшылыққа алынатын ұстанымдар; айналасындағы адамдардың ықпалы қандай, табысы қызықтырады ма және бүгінгі еңбек нарығында жетіспейтін мамандықтар, жетіспеуінің себебі деген тақырыптарда оқушылар өзара пікір алмасты.