2015 жылдың 2-12 желтоқсан аралығында қоғамдық-гуманитарлық пәндер кафедрасының онкүндігі болып өтті. Онкүндік барысында ашық сабақтар мен сыныптан тыс іс-шаралар өткізілді. 12 желтоқсан күні апталықтың жабылуы «Вальс королі» Шәмші Қалдыаяқовтың 85 жылдығы мен Жұмекен Нәжімеденовтің 80 жылдығына, 16 желтоқсан - Тәуелсіздік мерекесіне орайластырып «Көп болды ғой мен кеткелі, өткен күн» атты әдеби-сазды кеш 8-сыныптардың қатысуымен өтті. Мемлекеттік Гимннің авторлары ұлы сазгер Шәмші Қалдыаяқовтың, ақын Жұмекен Нәжімеденовтің өмірі, өнері мен шығармашылық жолы туралы маңызды мағлұматтарға толы кеш жоғары дәрежеде өтті. Кештің мақсаты: Мемлекттік Гимннің тарихынан мәлімет беру, жас ұрпақтың бойында еліне, жеріне, Отанына деген сүйіспеншіліктерін ояту. Кештің жақсы өтуіне «Болашақ» маңызды білім беру колледжінің 4-курс студенттері мен 8 «А», 8 «Ә» -сынып жетекшілері А.Қызырова мен Т. Жумабековалар мұрындық болды.