«Оқу мен оқытуды жаңарту – нәтижеге жеткізетін күш» тақырыбында Қарағанды қаласының білім бөлімі мен С.Саттаров атындағы №57 мектеп-лицейі өткізген І Аймақтық педагогикалық оқулардың пленарлық мәжілісінен кейін С.Саттаров атындағы №57 мектеп-лицейінің физика пәнінің мұғалімі, І (ілгері) деңгей курсын бітірген Ш.К.Сатенованың басқаруымен «Оқыту мен оқуға жетекшілік ету» секциясы жұмысын жалғастырды. Секция модераторларының бірі Қарағанды қаласы білім бөлімінің әдіскері Саменова Л.Н. секция жұмысына сәттілік тіледі.

№41 мектептің қазақ тілі мен әдебиет және тарих пәндерінің мұғалімдері Ж.Р.Түсіпбекова мен Г.Р.Түсіпбекова «Интеграциялық оқытудың тиімді жолдары», Н.Нұрмақов атындағы мектеп-интернатының ағылшынтілі мұғалімдері Т.К.Байжигитова мен Ж.С.Жетписбаева «Бағалау – ол үздіксіз үрдіс» тақырыптарында баяндама жасады.

«Дарын» мектеп-интернатының информатика мұғалімі Аскарова Г.М. «Бұлттық технология және Google қызметтерін іс жүзінде бірыңғай білім кеңістігін құруда пайдалану» тақырыбында мастер-класс өткізіп, мұғалімдерге осы технологияны үйретті.

Соңында І деңгей мұғалімі Сатенова Ш.К. «Бес қадам» әдісімен рефлексия өткізді. Секция жұмысын қалалық білім бөлімінің әдіскері СаменоваЛ.Н. және қатысушы мұғалімдер жоғары деңгейде бағалап, ризашылықтарын білдірді.