"Оқу мен оқытуды жаңарту-нәтижеге жеткізетін күш" атты I Аймақтық педагогикалық оқулардың секция жұмыстарының бірі "Инновациялар мен өзгерістерді енгізуге жетекшілік ету" деген бағытта жүргізілді. Бұл секцияның жетекшісі орыс тілі пәні мұғалімі, I (ілгері) деңгей сертификатының иегері Рахимбекова Айгуль Рахимбековна болды. Секция жұмысына облыстық Н.Нұрмақов атындағы МИИ мұғалімі А.С. Тапенова "Сыныптағы көшбасшылық-оқушының табыс кілтіне ие болуының маңызды факторы ретінде" деген баяндама жасап, іс-тәжірибесімен бөлісті.Секцияның модераторы ҚББ инновациялар жөніндегі әдіскері Хасенова Г.Т. болды. Іс-шара форум трибуна нысанында ұйымдастырылды. Бұл секцияның жұмысына қатысушылар өте жоғары баға беріп, ризашылықтарын білдірді.