«Оқу мен оқытуды жаңарту – нәтижеге жеткізетін күш»  тақырыбында Қарағанды қаласының білім бөлімі мен С.Саттаров атындағы №57 мектеп-лицейі өткізген І Аймақтық педагогикалық оқулардың  алқалық мәжілісі секция жұмыстарына жалғасты. Секция жұмыстары әр түрлі нысанда өтті. Олар: пікірлесу ашық алаңы; шеберлік студиясы; форум трибуна; тренинг; шеберлік таим; коучинг түрінде ұйымдастырылды. Соның бірі -  директордың бейіндік оқыту жұмыстары бойынша орынбасары Хасенова Мағрипа Фазыловна өткізген ата-ана – оқушы – мұғалімдер үштік одағының ашық алаңы. Бұл секцияда «Педагогтардың кәсіби қоғамдастық жұмысын жандандыру» мәселесі қозғалды. Қоғамдастық жайлы оқушы үні №41 ОМ мен №57 мектеп-лицейінің дебат ойыны арқылы, оқушылардың мектепте болып жатқан өзгерістерге деген көзқарастары арқылы естілді. Ал ата-аналар мен мұғалімдер ынтымақтаса отырып, оқушылардың өзіндік дамуына жетелеу жолдарын талқылады. Бұл секция жұмысының  өте жоғары деңгейде өткендігі қатысушылардың рефлексиясынан көрінді.