8«Ә»сыныбында «Рәміздерді  құрметтеу-халықты құрметтеу» атты сынып сағаты  өтті. Сынып сағатының негізгі мақсаты оқушыларға Қазақстан Республикасының рәміздерінің пайда болуы және тарихтағы маңызы жайлы мәліметтер беру, рәміздер  туралы түсініктерін нығайту болды. Сонымен қатар, Отан сүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеуге шақырды. Оқушылар сынып сағатының өз деңгейінде өтуіне белсене атсалысты. Мемлекеттік рәміздер - халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Сондықтан оқушылар да ел  құндылықтарына бейжай қарамайтындығын,өздерінің қаншалықты патриот ұрпақ екендігін көрсете білді.