24 қыркүйек 2014 жылы Сләмия Саттаров атындағы№57 мектеп-лицейінде математика және физика пәндері бойынша жоғары санатты, І (ілгері) деңгейлі ұстаздар Ш.К.Сатенова мен М.А.Аханованың ұйымдастыруымен жас мамандарға арналған «Оқу үрдісін жаңаша ұйымдастыру-сапалы білім кепілі» атты семинар жоғары деңгейде өткізілді. Мақсаты жас мамандарға оқыту мен оқудағы жаңа тәсілдерді өз тәжірибесіне енгізіп, сабақты жаңаша жоспарлауды, есептерді тиімді тәсілдермен шығару жолдарын үйрету. Семинарға ҚББ-нің математика және физика пәндерінің әдіскері Г.У.Аязбекова қатысып, тәлімгерлер мен жас мамандарға  Ж.Ж.Руссоның «Ұстаз болу - өз уақытын аямау, өзгенің бақытын аялау» сөзін келтіріп, сәттілік тіледі. Семинар соңынан қатысушылар жаңалыққа құштарлықтарын, үйренуге дайын екендіктерін  айтып, ризашылықтарын білдірді.