Сынып жетекшісі Мусина Анар Ермекқызының жетекшілігімен балалар Елбасы Жолдауының мазмұнымен танысты, оның негізгі мақсаттары  мен міндеттері туралы жан-жақты хабардар етілді.Ел тарихындағы біз аяқ басатын жаңа дәуірдің кемел келбеті - «Мәңгілік Қазақстан» жобасы туралы және «Мәңгілік ел» идеясы төңірегінде пікір алмасу өтті.

Амирханов Ерасыл:Мен Елбасы Жолдауы туралы мұғалімнің көмегімен мәліметтер алғаныма қуаныштымын. Жолдаудан түсінгенім – Қазақ елінің болашағы ретінде Нұрсұлтан атамыз бізге үлкен сенім артып отыр. 2050 жылғы дамыған Қазақстанды көркейтетін біз ғой. Ол үшін алдымызға мақсат қойып, сол мақсатқа жету үшін көп еңбек ету керек деп ойлаймын.

Қадырханұлы Берік:Елбасы Жолдауы туралы мен ата-анамнан да естідім. Бүгін сыныпта да өз ойымызды ортаға салып, талдау жасадық. Қазақстанды көркейту үшін білімді және дені сау азаматтар керек екенін түсіндім. Ол үшін салауатты өмір сүріп, спортпен айналысып, білімді болуға ұмтылу керек.

Әбілғазина Маржан:Қазақстанды дамыту үшін Президенттің жасап жатқан ұшан-теңіз істері туралы көп мәлімет алдым. Әсіресе, медицинаны дамыту туралы айтқан ойлары әсер етті. Мен ата-анамның, ата-әжемнің және барлық қазақстандықтардың көп жасағанын қалаймын.