Құрметті Ата-аналар!
Жаңа 2025-2026 оқу жылына дайндық аясында мектеп-лицейімізде «Жалпыға бірдей білім беру» қорынан материадық көмек көрсету жұмыстары басталды. «Жалпыға бірдей білім беру» қоры келесі санаттағы оқушыларға көмек көрсетеді:
1)Атаулы әлеуметтік көмек алатын оқушыларға;
2)Жан басына шаққандағы табысы ең төменгі күнкөріс деңгейінен төмен отбасылардағы оқушыларға;
3)Жетім балалар мен ата-анасының қамқорлығынсыз қалған оқушыларға;
4)Төтенше жағдайға тап болған оқушыларға;
Биылғы жаңа оқу жылындағы ақшалай көмектің мөлшері- 46228тг
Ақшалай қаражат ата-аналарға балалармен бірге мектеп формасын, аяқ-киім, кеңсе тауарларын және басқа да қажетті заттарды өз бетінше таңдауға мүмкіндік беру мақсатында ата-аналардың карточкалық шотына аударылады. Бұл отбасыларға қажетті оқу құралдарын сатып алуға және балалардың оқу жылының сәтті өтуі үшін қажетті заттардың бәрімен қамтамасыз етуге мүмкіндік береді.
Бұл қаражаттың мақсатты пайдалануын қамтамасыз ету үшін ата-аналар 15 күн ішінде балаға сатып алынған мктепке қажетті тауарлардың есебін беру үшін шығындарды растайтын чектар немесе түбіртектерді тапсырулары қажетті.
Мұндай бақылау жүйесін бөлінген қаражаттың ашықтығы мен мақсатты пайдалануына кепілдік береді.
Материалдық көмек көрсету-балаларға жаңа оқу жылын сенімділікпен бастауға мүмкіндік береді.
 Құрметті ата-аналар, ең алдымен Egov.kz сайты арқылы атаулы әлеуметік көмекке (АӘК) электронды өтініш бересіздер. Өтінішті қарастыру мерзімі-15 күн. Жоғарыда аталған категориялар расталғаннан кейін, мектеп-лицейіне келіп өтініш бере аласыздар.
Сұрақтар бойынша келесі мекен-жайға келіңіздер: Қарағанды қаласы білім бөлімінің «Сләмия Саттаров атындағы мектеп-лицейі» КММ, Сатыбалдин көшесі, 15 немесе төменде көрсетілген телефон нөмеріне хабарласыңыздар: 21-58-05 (қабылдау бөлмесі).