Мектебіміздің 50 жылдық мерейтойына арналған MetaF форматында “Жарқын жүздесу” мерекелік кеші өтті. Кешті ұйымдастырған қазақ тілі мен әдебиеті пәнінің мұғалімдері:
Мусина Анар Ермековна
Кызырова Асем Бериковна.
Кештің мақсаты: Мектеп-лицейдің 50 жылдық мерейтойына арналған кеште ардагер ұстаздар мен әр жылғы түлектердің басын қосып, мектеп тарихы мен жетістіктерін атап өту, ұстаздарға құрмет көрсету.
«Жарқын жүздесуге» келген қонақтарымыз:
1. Нұғыманов Танас Қасымұлы – мектеп-лицейді 2006 жылдан 2014 жылға дейін басқарған директор, ҚР білім беру ісінің құрметті қызметкері, білім саласының ардагері;
2. Қаппасова Ақлима Қаппасқызы – мектеп-лицей директорының орынбасары қызметін атқарып, мектептің даму бағдарламасын жасауға өлшеусіз үлес қосып, білім ұясының жаңа белеске көтерілуіне ұйтқы болған қайраткер ұстаз, бүгінде қаламыздағы №3 гимназияның математика пәнінің мұғалімі;
3. Омарова Бәтима Игілікқызы - мектеп-лицей директорының орынбасары қызметін атқарып, мектептің даму бағдарламасын жасауға өлшеусіз үлес қосып, білім ұясының жаңа белеске көтерілуіне ұйтқы болған қызметкер, бүгінде Қарағанды қаласындағы химия-биология бағытындағы НЗМ орыс тілі пәнінің мұғалімі; 4. Сандыбай Нұрсұлтан Таймасұлы - Perfect Study ағылшын тілі мектебінің негізін қалаушы және басқарушы директоры, 2011 жылғы түлегі. 5. Тоқтаров Мақсат Түлкібайұлы – кәсіпкер, Қарағанды қаласындағы ұлттық тәрбие беретін алғашқы 1465 жеке меншік бастауыш мектебінің директоры. Кештің құттықтау сөзі мектеп-лицей директоры Кулбулатова Қаламқас Сабыровнаға берілді.
“Ұстаз – ұлағаттың бастауы” атты екінші бөлімінде Мектептің орта білім беру мәртебесінен «Шығыстану» мектеп-лицейі дәрежесіне көтерілу жолында еңбек сіңірген Ақлима Қаппасқызы, Зульфат Казимовна, Бәтима Игілікқызы сынды аяулы ұстаздар бар. «Толқыннан толқын туады, Толқынды толқын қуады» дегендей, осындай керемет түлектердің ізін жалғап келе жатқан мектеп-лицей шәкірттерінің өнерін тамашалады.
Кештің соңында Ұрпақтар сабақтастығын кешеден бүгінге жалғаған жас ұстаздар қауымы «Жас ұстаздар ұраны» әнімен аяқтады.