Қарағанды облысы білім басқармасы Қарағанды қаласы білім бөлімінің Сләмия Саттаров атындағы мектеп-лицейінің ұжымы баршаңызды “1 қыркүйек – Білім күні” мерекесімен құттықтайды!
Білім күні шын мәнінде барша халықтың дәстүрлі мерекесіне айналды. Оқушылар мен студенттер, білім мен ғылым саласындағы ұстаздар мен оқытушылар, барша қызметкерлер үшін 1 қыркүйек жаңа бастамалардың, жаңа ізденістердің, жаңа идеялардың символы. Мерекеге орай мектебімізде 1,11-сынып оқушылары мен ата-аналардың, ұстаздардың қатысуымен “Мектебім - мейірім мекені” тақырыбында салтанатты іс-шара ұйымдастырылды. Мектеп-лицейінің табалдырығын алғаш аттаған оқушыларды мектеп басшысы Қаламқас Сабыровна мен «Өрлеу» Біліктілікті Арттыру Ұлттық орталығы «Қарағанды облысы бойынша кәсіби даму институты» филиалының аға оғытушысы Ташетова Салтанат Садыковна құттықтады. Талантты да дарынды оқушылар өз өнерлерін ортаға салды.
Бүгінде еліміздегі барлық білім ордасы оқушыларға есігін айқара ашты. Бұл барша жанның көңілін толқытқан ерекше сәт деп білеміз. Жаңа оқу жылы баршаңызды жаңа жетістіктерге жетелесін. Шығармашылық табыс, отбасыларыңызға амандық-саулық тілейміз!