8 «ә» сыныбының екінші қазан айында Итжанова Ләззат Алпановнаның жетекшілігімен  «Қарттарым – асыл қазына» атты  тәрбие сағаты аясында әңгіме қозғалды. Бұл сабақтың мақсаты жас жеткіншектердің бойына үлкенді сыйлап тыңдай білуге, халқының салт – дәстүрінен нәр алуға, инабаттылық пен мейірімділікке тәрбиелеу, бойына сіңіру болды. Сабақтың  білімділігі аталардан қалған ұлағатты ғибрат аларлық сөздерді балаларға ұғындыру, мәнін ашу;

Сол сөздерден өнеге алуға баулу.Келешекте ойын нақты дұрыс жеткізуге, тапқыр сөйлеуге, ақылды, салмақты ой айтуға үйрету.

     Сабақ барысында оқушылар ойларын еркін жеткізіп, тапқыр да салмақты, яғни көркем, әдеби тілмен жеткізуге тырысты.

     Қазақтар – « Төріңнен қарт кетпесін» деп тілеген халық. Жасы үлкенге құрмет ету, қарттың бүгілген беліне сүйеу болу – біздің ата дәстүріміз.

Өзіңді өмірге келтірген, тіршілігіңе нәр берген ата-ананың алдында адамның парыз-міндеті өлшеусіз. Қазақ ғұрпындағы ата-ананың алған ерекше биік орны, қадір – қасиеті ше! Ананың ақ сүтін, әкенің адал күшін ақтау – өз болашағыңды сақтаудеп бүгінгі тәрбие сағаты қорытындыланды.