«Халқымыздың кемеліне келіп, өркендеуі үшін, ең алдымен, азаттық пен білім, оны дәріптеп танытатын азаматтық керек»,- деген екен Шоқан Уәлиханұлы. Олай болса, қоғамдағы және мектептегі тәрбиенің негізгі бір саласы азаматтық  тәрбие.

Қараша айының  он үшінші  жұлдызында Сләмия Саттаров атындағы № 57 мектеп-  лицейінде, оқушыларға  құқұқтық тәрбие беру мақсатында , 8- сынып оқушыларына  «Адам құқұқтары және оның мүмкіндіктері» атты тақырыпта  тәрбие сағаты өтті. Мұғалімі Медиева Перизат Ниязбекқызы  оқушыларға  құқұқтық тәрбие жөнінде толық мәлімет берді.Бұл тәрбие сағатының негізгі мақсаты -оқушылардың құқұқтық білімдерін тереңдету,  заң алдындағы жауапкершілікті арттыру, оқушылардың бойына демократиялық көзқарасты қалыптастыру.Азаматтық тәрбие – бұл қоғамның әрбір мүшесіне қажетті азаматтық сананы қалыптастырудағы тәрбие жүйесі.

Оқушылар сабақ барысында Жеті жарғы мен Ата Заңды салыстыра отырып, «Бала құқұғы туралы Конвенцияны» талдады. Бірініші топ «Бала құқұғы – асыл қазына» деп аталатын топ оқушылары «Бала құқұғы туралы» жинаған ақпараттарымен бөлісті. Екінші топ «Құқұқ – әділет пен парасат жолы» тобы өз шығармашылық өнерлерімен, құқұқ әлемінен көріністер, өлең жолдар, құқұққа байланысты  қанатты сөздер, мақал – мәтелдер айтып өнерлерін ортаға салды. Үшінші топ «Бақыт деген – сенің бала күндерің» деп аталатын тақырыпта өздерінің  бақытты балалық шақтары туралы әңгімеледі.Оқушылар белсенділік танытып, құқұқ туралы  жинаған мағлұматтарын  ортаға салды. 

Бүгінгі  құқұқтық мемлекет құрамыз деген заманда әрбір адам өз құқұқтарын жете біліп, жалпы  заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал  қызмет еткен азамат қана мұратына жетеді. Сондықтан заңды білу – заман талабы.