«Сләмия Саттаров атындағы мектеп-лицейі» КММ 30.10-03.11.2023 аралығына жоспарлаған Әдістемелік апталықтың үшінші күнгі отырысы «Дарынды оқушылармен жұмыс» еркін сөйлеу форматында ұйымдастырылды. Бұл күні қазақ тілі мен әдебиеті пәнінен А.Батаева мен математика пәнінен А.Шаугенбай интеграцияланған «Дарынды оқушыларды білім олимпиадасына дайындау» тақырыбындағы іс-тәжірибелерімен бөлісті. Бастауыш сынып мұғалімі Ж.Адильбаева «Оқушыларды дамытудағы ойын элементтері» тақырыбы бойынша сабақта дарынды оқушылардың таным қызығушылығын арттыратын белсенді әдіс-тәсілдер қолданудағы тәжірибесін құндылықтармен ұштастыра тартымды әңгімеледі. Ұсынылған жобалар көрермен тығыз диалогта: түрткі сұрақтармен, ойындармен, топтастыра, жекелеген жұмыстар да жүргізумен қызықты өткізілді. Соңында білім алушыларға академиялық білімнің жаһандық құзіреттіліктерді ұлттық құндылықтармен үндестіре бейіндік дағдылары мен қабілеттерін дамытуға жағдай жасау басты назарда болу керектігі айтылып, М.Шахановтың «Компьютер басты жарты адамдар» өлеңін тыңдаумен отырыс жұмысы мәресіне жетті.
Үшінші күнгі отырыс бойынша қорытындыда «Үшінші әдістемелік отырыста қаралған жұмыстар мектепішілік деңгейде таратылды және облыстық деңгейде іс-тәжірибелері ғылыми тұрғыда дәйектеп таратылсын; дарынды балалардың білімін жетілдіру мақсатына арналған арнайы CAMPUS орын дайындау керек деген ұсыныс айтылды.
@goroo_krg @umckrg #біртұтас_тәрбие