2023 жылдың 19 қазан күні Сләмия Саттаров атындағы мектеп-лицейінде жас мамандарға арналған қалалық семинар өткізілді. Семинардың тақырыбы: «Білім алушылардың тарихи ойлау дағдысын қалыптастыратын белсенді әдістер». Мақсаты: Тарих сабағында оқушылардың білімін, іскерлігі мен шығармашылығын, кәсіби деңгейін жетілдіруде оқытудың жаңаша әдіс- тәсілдерін қолданудың тиімділігін көрсету. Жас мамандарға арналған семинардың алғашқы сөзін мектеп директоры К.Т.Сейтимбетова бастады. Кіріспе сөз білім бөлімінің әдіскері Ж.Б.Даутова сөйледі. Семинар сыныптан тыс іс-шара «Тың игерудің Қазақстанға әсері» тақырыбында дебат ойындарымен басталды. «Алаш» және «Томирис» топтары АПФ форматының ережесі бойынша ойнады. Оқушылар өз ойларын ортаға салып, пікірлерін білдірді, ойын тартысты өтті. Келесі кезекте «Тарих пәнін оқытуда заманауи әдістерді қолдану» тақырыбында әдістемелік тренинг өткізілді. Тренинг барысында learningapps, wordwall платформалары, «кезбе тілші», «бриллиант әдістері» кеңінен қолданылды. Семинар соңында Padlet тақтасына жас мамандар кері байланыстарын жазып, ауызша кері байланыстар берілді. Семинар жоғары деңгейде өтті. Жауапты тарих пән мұғалімдері: Г.С.Жапабаева, Ж.А.Тусупов, А.У.Жантасова. @goroo_krg @umckrg